Европската унија и компанијата „AстраЗенека” не успеаја да дојдат до напредок во разговорите за одложената испорака на вакцини против коронавирусот, соопшти синоќа еврокомесарката за здравство, Стела Кирјакидес.
– Жал ни е поради континуираниот недостаток на јасен план за испорака, напиша Кирјакидес за Твитер.
Британските медиуми пренесуваат дека еврокомесарката посочува дека ЕУ побарала јасен план од „АстраЗенека” за брза испорака на дозите што Унијата ги резервира за првиот квартал од оваа година.
Constructive tone in our exchange with @AstraZeneca CEO Pascal Soriot, in our Vaccine Steering Board, on deliveries of their vaccine following approval. The EU remains united & firm ➡️ Contractual obligations must be met, vaccines must be delivered to EU citizens.
— Stella Kyriakides (@SKyriakidesEU) January 27, 2021
ЕУ веќе една недела врши притисок врз „АстраЗенека” да испорача повеќе дози од својата вакцина од фабриките во Европа и Велика Британија, откако компанијата соопшти дека ќе има одложување, што би го нарушило планот за имунизција во ЕУ.
