Секој човек кој е инфициран од корона вирусот во просек ја пренесува заразата на други 5.7 луѓе, покажува математичката анализа на американската Национална лабораторија во Лос Аламос.
Таа бројка е двојно поголема од онаа што Светската здравствена организација ја објави во февруари годинава, пренесува „Bloomberg“.
Со оглед на тоа што податоците сега се однесуваат само на епидемијата со Ковид-19, истражувачите посочуваат дека пандемијата ќе биде тешко да се контролира на начинот кој го применуваат одредени држави во светот.
Како што прикажала студијата, за да се уништи вирусот, дури 82 отсто од светската популација би морала да стекне имунитет преку вакцинирање или преку прележување на заразата, наведува експертскиот тим од Лос Аламос.
