Регионалното Министерство за здравство на Газа соопшти дека 386 Палестинци се повредени во денешните протести долж пограничниот ѕид со Израел.
Министерството соопшти дека 70 од настраданите се повредени од израелски оган, а петмина се во тешка здравствена состојба.
Денешните протести се дел од серијата демонстрации против блокадата на Газа од Израел и Египет. Тие се совпаднаа со годишниот „Ден на Ерусалим” воспоставен од Иран за да се изрази незадоволство од израелската власт над светиот град.
Израел и Иран се непријатели од 1979 година, кога во Иран се случи Исламската револуција.
