Во последните 24 часа бројот на нови случаи на заразени со корона вирус во Бразил е 4.588, а смртните случаи за истиот период се 275, соопшти бразилското Министерство за здравство. Со тоа, вкупниот број потврдени случаи во Бразил надминува 100.000.
Бразил досега има регистрирано 101.147 потврдени случаи од вирусот и 7.025 починати.
Бројот на нови случаи е зголемен за околу пет отсто во однос на претходниот ден, а смртните случаи за околу четири отсто.
