Потребата на компаниите за свежи пари во периодот од април до јули ги одразува големите проблеми со ликвидност на фирмите во Европа, со оглед на тоа што голем дел од еврозоната беше блокиран поради пандемијата на корона вирусот.
Како што соопшти Европската централна банка (ЕЦБ), врз основа на истражување спроведено во 144 банки, побарувачката на кредити и кредитни линии во второто тромесечје го достигнала „највисокиот нето баланс од почетокот на истражувањето во 2003 година“.
Кредиторите информираат дека нивните кредитни стандарди – критериумите за одобрување на заеми – останале во голем степен непроменети за компаниите, затоа што многу влади се вклучиле да ги гарантираат заемите на фирмите.
Побарувачката на хипотекарни кредити од трана на домаќинства „е многу намалена“, а на потрошувачки кредити и други заеми паднала на најниско ниво од 2003 ггодина до сега.
Послабата доверба на потрошувачите, влошените перспективи на пазарот на станови и пониските расходи за стоки за долготрајна употреба го покажаа своето влијание – соопшти ЕЦБ.
Банките очекуваат побавен раст на побарувачката на кредити од страна на фирмите во третото тромесечје, додека апетитот на потрошувачите за хипотекарни и потрошувачки кредити може повторно да се зголеми.
