Извршниот директор на Светската здравствена организација, Австралиецот Питер Салама, почина на 51-годишна возраст, соопшти на Твитер генералниот директор на СЗО, Тедрос Гебрејсус.
– Длабоко сум затечен од изненадната смрт на мојот пријател и колега Питер Салама. Сочуство до семејството, колегите и пријателите на Питер – напиша д-р Гебрејсус.
Deeply saddened and heartbroken over the sudden passing of my colleague and friend Dr Peter Salama, @WHO Executive Director, Universal Health Coverage – Life Course. Our deepest sympathies and condolences are with Pete’s family, friends and colleagues. pic.twitter.com/ckshz3eHpk
— Tedros Adhanom Ghebreyesus (@DrTedros) January 24, 2020
Салама, лекар-епидемиолог, во СЗО се приклучи во 2016 година. Пред тоа тој работел во Детскиот фонд на ОН, во „Лекари без граници“ и во „Консерн ворлдвајд“ (Concern Worldwide), каде што учествувал во мисии во повеќе африкански и азиски земји.
