Мексико го надмина САД по бројот на смртни случаи од последиците од корона вирусот на дневно ниво, откако Министерството за здравство регистрира рекордни 1.092 смртни случаи во таа земја. Тоа е повеќе од двојно од претходниот рекорден број жртви на дневно ниво, кој изнесуваше 501.
Во Мексико во текот на вчерашниот ден се пријавени рекордни 3.912 случаи на заразени со Ковид-19, со што вкупниот број заразени во втората по големина економија во Латинска Америка достигна 101.238.
Вкупно починале 11.729 луѓе, со што Мексико е седма земја во светот со најголем број смртни случаи од корона вирус, според Центарот за системска наука и инженерство Џон Хопкинс.
