Државниот обвинител на Словачка потпиша договор за формирање на меѓународен тим кој ќе има задача да го истражи убиството на истражувачкиот новинар и неговата свршеница. Обвинителот, во Хаг, се договорил за истрагата со италијанските правосудни власти и претставниците на Европол и Евроџаст.
Новинарот Јан Куцијак и неговата свршеница, Мартина Куснирова беа убиени во нивниот дом на 21-ви февруари. Словачките власти тогаш соопштија дека околностите на убиството укажуваат оти истото било нарачано и најверојатно има поврзаност со истражувањето на кое работел новинарот.
Убиството на Куцијак предизвика политичка криза во земјата, што резултираше со протести, пад на владата и промена на шефот на националната полиција.
