Францускиот претседател Емануел Макрон денеска изјави дека Европската унија не треба да прифати ниту една нова членка се додека ЕУ подлабоко не се интегрира и не ги спроведе темелните реформи.
Макрон им рекол на пратениците дека сака земјите од Западен Балкан да останат на европскиот пат, но дека сега не е време да се прими било која нова членка. Тој ќе го поддржи проширувањето само по продлабочувањето и реформите во ЕУ, пренесува АП.
-Јас не сакам Балканот да се сврти кон Турција или Русија, но исто така не сакам Европа, кој функционира со потешкотии со 28, а утре со 27 членки, да одлучи дека може да продолжи со галопирање, за утре да бидеме 30 или 32, со истите правила- изјави Макрон.
Оваа изјава на францускиот претседател следи по добивањето на чиста препорака за членство во ЕУ на Република Македонија.
