Мајк Помпео положи свечена заклетва како државен секретар во Стејт департментот, со што стана 70-тиот шеф на американската дипломатија.
Помпео ја положи заклетвата во зградата на Стејт департментот во присуство на претседателот Доналд Трамп и други членови на неговиот кабинет, неколку стотици вработени и голем број негови роднини и пријатели. Поставувајќи ја левата рака на Библијата, Помпео ја повторуваше заклетвата по потпретседателот Мајк Пенс.
При преземањето на должноста Помпео, кој е поранешен директор на американската Централна разузнавачка агенција, најави дека ќе му даде нов живот на Стејт департментот и дека ќе го обнови неговиот углед.
„Мојата мисија е да ве водам“, им порача Помпео на присутните вработени во Стејт департментот.
Државниот секретар веќе води активна политика. Пред неколку дена, Помпео присуствуваше на состанокот на Советот на НАТО на ниво на министри за надворешни работи во Брисел, каде што потврди дека во блиска иднина не треба да се очекува нормализација на односите со Русија. Потоа ги посети Ријад, Ерусалим и Аман. На 13 март, претседателот Трамп го отпушти од државниот секретар Рекс Тилерсон.
