Претседателот на САД Доналд Трамп и канадскиот премиер Џастин Трудо побараа од Израел да евакуира стотици членови на сириската невладина организација „Бели шлемови” и нивните семејства од Сирија, изјави израелскиот премиер Бенјамин Нетанјаху.
– Пред неколку дена претседателот Трамп стапи во контакт со мене, а исто и канадскиот премиер Џастин Трудо и други, и не замолија да помогнеме да се евакуираат од Сирија стотици членови на „Белите шлемови “, изјави Нетанјаху.
– Тоа се луѓе кои се спасиле животи, а сега се во опасност за својот живот. Затоа дозволив да бидат префрлени преку Израел кон други земји како важна хуманитарна мерка, додаде тој.
