Светска здравствена организација (СЗО) соопшти дека климатската криза и климатските промени ќе бидат меѓу 13 најголеми здравствени предизвици во следните десет години.
– Државите многу вложуваат во заштитата на своите граѓани од терористички напади, но не и од напад од вирус, што би можел да бидат многу посмртоносен и да предизвика поголеми економски и социјални штети Здравјето е вложување во иднината – изјави генералниот директор на СЗО, Тедрос Адханом Гебреисус.
Од СЗО посочуваат дека загадениот воздух годишно убива околу седум милиони луѓе, на тој начин што доаѓа до екстремни временски појави и ширење на заразни болести како што е маларијата.
– Истите емисии што предизвикуваат глобално затоплување одговорни се и за повеќе од една четвртина од смртните случаи од срцев удар, мозочен удар, рак на бели дробови и хроничните респираторни болести. Светските лидери треба заедно да работат на решавање на здравствените последици од климатските промени – посочи Гебреисус.
СЗО најави дека во текот на годинава ќе работи на развивање на група мерки за запирање или намалување на здравствените ризици од загадениот воздух.
Покрај климатските промени, СЗО посочи и други предизвици за следната декада: пружање на здравствени услуги за време на судири и кризи, унапредување на здравствената заштита, проширување на пристапот до лекови, запирање на ширењето на заразни болести, подготовки за епидемии, заштита на луѓето од опасни производи, вложување во луѓето кои се грижат за нашето здравје, грижата за адолесцентите, добивање доверба од јавноста, користење на нови технологии, заштита на лековите што не штитат нас и одржување чиста здравствена заштита.
