Кинез кој со нож уби две лица кои ги контролирале возилата во врска со епидемијата на корона вирусот „Ковид-19“, е осуден на смрт.
Тоа е еден од ретките инциденти на протест поради ограничувањата на движењето и забраната за пристап до големите градови во Кина, поради што забави растот на кинеската економија.
Ма Џингуо наишол на блокада на патот во округот Хонгхе во провинцијата Јунан на 6 февруари, а неговиот придружник се обидел да ја отстрани пречката од патот. Откако влегле во расправа и физичка пресметка со контролорите, Ма ги прободел со нож, при што им нанел смртни повреди.
