Кинеските власти соопштија дека ќе издвојат дополнителни 30 милиони американски долари за Светската здравствена организација (СЗО), пари кои исклучиво ќе бидат наменети за превенција и контрола на вирусот Ковид-19, како и за да се помогне во развојот на здравствените системи во помалку развиените земји.
Истовремено, официјален Пекинг ги обвини САД за поткопување на меѓународната соработка во борбата против пандемијата на Ковид-19, по американската одлука да го стопираат финансирањето на СЗО.
Кинезите го повикаа Вашингтон сериозно да ги сфати своите обврски и одговорности.
САД го прекинаа финансирањето на СЗО, обвинувајќи ја организацијата дека не реагирала соодветно на заканата од корона вирус и дека била под силно влијание на Кина, иако добиле најголема сума пари од САД.
