Кина денеска го лансира сателитот кој ќе овозможи комуникација помеѓу Земјата и мал робот кој во текот на годината ќе стигне до темната страна на Месечината, соопшти кинеската вселенска агенција.
Ракетата со сателитот е лансирана во 5:28 по локално време од базата Сичанг, југоисточна Кина.
Сателитот на Месечината ќе биде поставен така што ќе овозможи комуникација со научниците на Земјата и ќе се испитуваат темните делови.
Роботот ќе биде лансиран во вселената во текот на оваа година, а другиот во 2019 год.
За оваа програма Кина вложила милиони и сака да биде првата азиска земја која ќе испрати човек на природниот сателит.
