Долгогодишниот авио-превозник „Катар Ервејс“ денеска информираше дека планира да отпушти персонал бидејќи пандемијата со Ковид-19 ја зазеде глобалната авијациска индустрија.
Во писмото, извршниот директор на авиокомпанијата, Акбар Ал Бејкер, вели дека тој број би бил „значителен“ и ќе вклучува членови на екипажот во авионите.
– Глобалниот изглед за нашата индустрија изгледа мрачен и многу авиокомпании ги затвораат или значително ги намалуваат операциите, пишува Ал Бејкер.
Пандемијата со новиот корона вирус ги зафати и „Emirates Airlines“, кои исто така изјавија дека планират да отпуштат ограничен број на вработени „како резултат на сегашната реалност“. Компанијата уште во март побара од пилотите и екипажот на кабината да земат неплатено отсуство, пишува Арабњуз.
Исто така, авиопревозникот со седиште во Шарџа во ОАЕ, Ер Арабија, реши да отпушти десетици вработени поради падот предизвикан од постојаното ширење на корона вирусот, пренесува Араббизнис.
