Извозот на италијанско вино го достигна своето најниско ниво за 30 години, додека коронавирусот ја намали побарувачката. Ова го објави италијанското здружение на земјоделски производители Колдирети.
Извозот падна за 4 проценти оваа година, откако вирусот ги принуди рестораните во Италија и во целиот свет да се затворат, а локалните производители и извозници беа во неволја.
Потрошувачката на италијанско вино во Кина, каде Ковид-19 за прв пат е регистриран во декември, потона за 44% меѓу јануари и мај, соопшти италијанската статистичка служба.
Во Франција потрошувачката на италијанско вино е намалена за 14 проценти, а во Велика Британија, каде неизвесноста околу Брегзит, исто така, игра улога, падна за 12 проценти.
Извозот во Германија и САД, каде казнените тарифи може да влијаат во иднина, останаа стабилни за периодот што се разгледува, со благ пад од 1%.
Виното е главна земјоделска ставка во извозот на Италија во Соединетите Држави, при што извозот изнесува 1,5 милијарди евра (1,8 милијарди долари) годишно.
Во 2019 година приходите од вино во Италија беа вкупно 6,4 милијарди евра.
Според претседателот на Колдирети, Еторе Прандини, скоро 40% од производителите се соочуваат со тешкотии поради кризата со коронавирус и извозниците треба да бидат поддржани брзо и да се намалат трошоците.
Во јуни, италијанската влада донесе наредба со која се дозволува околу 70 милиони шишиња вишок вино да се претворат во средства за дезинфекција за да се намалат недостатоците.
