Израелскиот премиер Бенјамин Нетанјаху (70) ќе ја продолжи самоизолацијата за шест дена откако беше објавено дека министерот за здравство Јакоб Лицм е позитивен на новиот коронавирус, а согласно препораките на лекарите,соопши денеска израелската Влада.
Нетанјаху ја заврши вчера дводнеделната самоизолација, во која беше по сознанието дека негов советник е болен од Ковид-19.
Министерството за здравство утрово објави дека од Ковид-19 се разболеле Лицман и неговата сопруга и дека се чувствуваат добро.
Лицман (71) е член на Ултра-ортодоксната заедница и ги повика другите припадници да се придржуваат кон мерките на владата за да се спречи ширењето на коронавирусот.
