Израелски медицински работници вакцинираа Палестинци денеска на сообраќаен пункт на периферијата на Ерусалим.
Десетици илјади Палестинци од окупираниот Западен брег работат во Израел, многумина на фарми или градилишта, така што расте притисокот врз израелската влада да ги вакцинира, јави Би-Би-Си.
Здравствените власти соопштија дека вакцинирани се околу 700 лица, иако тука спаѓаат и Палестинците од Источен Ерусалим кои веќе беа опфатени со израелската програма за вакцинација.
Израел веќе го вакцинирал палестинскиот персонал во своите болници, некои затвореници и доставил 2.000 дози на палестинските власти за здравствените работници на Западниот брег.
