Според италијанскиот научник и професор на Универзитетот во Неапол, Франческо Санино, пандемијата Ковид-19 ќе ослабе пред почетокот на пролетта 2021 година, односно ќе престане помеѓу месеците април и мај.
Тој предводи група научници и истражувачи кои претходно, користејќи математички метод, предвиделе дека нов бран на пандемијата ќе има меѓу октомври и ноември.
Според новите проценки објавени во научното списание „Science Report“, во Италија може да има околу осум милиони луѓе заразени со коронавирус.
Професорот Сонино тврди дека сега сме само на почетокот на вториот бран на пандемијата на вирусот и дека ефективноста на мерките што се преземаат сега, ќе се покаже за само неколку недели.
Италија во изминатите 24 часа регистрирала 30.550 нови случаи на коронавирус, а починале 352 лица, соопшти вчера Министерството за здравство.
