Италијанскиот сенат одобри владин декрет за безбедност и миграција со 163 гласови “за“, 59 “против“ и 19 “воздржани“. Законот сега ќе оди на гласање во долниот дом на парламентот, пренесува „Анса“.
Заменикот премиер и министерот за внатрешни работи Матео Салвини напишал на својот твитер налог „Декретот за безбедност и миграција, време 12.19 Сенатот го одобри. Декретот на Салвини, историски ден“.
Со тој декрет се заоструваат прописите за миграција.
Како што навел „Ројтерс“, доколку Сенатот не го изгласал законот во тој случај владата ќе морала да поднесе оставка.
