Италијанската влада во неделата ја започна вакцинацијата против Ковид-19. Здравствените работници во Рим беа првите во земјата што добија вакцина од производителот Фајзер-Бионтеч.
Комесарот задолжен за справување со епидемијата, Доменико Аркури, откри дека дистрибуцијата на вакцината започнала уште рано утринава.
-Денес е симболичен ден кој не потсетува за убавината на Европа што ги купи вакцините за сите и ги дистрибуираше, истакна Аркури.
Први во земјата вакцината ќе ја примат здравствените работници и возрасните лица. Досега се пристигнати 10 илјади дози, а следната недела земјата очекува уште 470 илјади дози од вакцината.
Италија претрпе најголема здравствена криза во Европа на почетокот на годинава и забележа најголем број смртни случаи поврзани со коронавирус на континентот.
