Терористичката организација Исламска Држава го именуваше наследникот на лидерот Абу Бакр ал Багдади, кој минатиот викенд беше убиен во Сирија. Имено, во аудио-пораката која беше објавена на џихадистичките медиуми се наведува дека новиот лидер на ИД е Абу Ибрахим ал Хашими.
За него малку податоци се познати, освен дека е од исто племе како и ал Багдади.
На снимката на која се оплакува Ал Багдади, потвдена е и смртта на неговиот близок соработник и портпарол на ИД, Абу Хасан ал Муханџир, кој загина во заедничката операција на американските и курдските сили во севернипт дел на Сирија, неколку часа откако Ал Багдади активира експлозив за време на рацијата на американските сили во сириската провинција Идлиб.
