Идентификуван е мажот осомничен за обид за терористички напад во Лондон кофга вчера со автомобил удри во заградата кај Вестминстерската палата.
Како што објавија британските медиуми, станува збор за 29-годишен британски државјанин, кој потекнува од Судан. Идентификуван е како Салих Катер.
Осомничениот повреди тројца луѓе возејќи низ група велосипедисти и пешаци пред да удри во бариерата пред Парламентот за време на утринскиот метеж.
„Со оглед на тоа што ова е намерно дело, метод, симболична локација, ние го третираме тоа како тероризам„, изјави заменик-шефот на лондонската полиција, Нил Бас.
Бас додаде дека осомничените не соработувале со полицијата и дека не им е познат од порано на безбедносните служби.
