Најголемиот европски нискобуџетен авио-превозник „Рајанер“ е погоден со штрајкови од епски размери.
Денеска се откажани дури 400 летови додека пилотите и членовите на екипажот се борат за повисоки плати, сигурна пензија, па дури и бесплатна вода за пиење во авионот, пишува Блумберг.
Синдикатите на работниците во Германија, Ирска, Шведска и Белгија најавија дека ќе ги приземјат авионите на 24 часа. Нивните барања се повисоки плати и подобри работни услови.
„Сакаме да покажеме дека стоиме зад нашите барања. Во следните недели и месеци предвидувам повеќе штрајкови, кои може да бидат и спонтани“, изјавил Инголф Шумахер, еден од пилотите во компанијата.
#Ryanair pilots on strike in Dublin today as part of strikes happening in 5 countries today #ryanairstrike pic.twitter.com/8jcsD1JddJ
— Solidarity (@solidarityie) August 10, 2018
Со штрајкот во текот на летната сезона ќе бидат погодени повеќе од 55.000 патници. Најмногу од нив во Германија – 42.000.
На патниците управата на авиопревозникот им нуди бесплатна промена на терминот на летот или враќање на парите. Дополнителни обештетувања нема да има.
Пред две недели поради штрајкови во Италија, Шпанија, Португалија и Белгија, „Рајанер“ беше принуден да откаже скоро 600 летови со околу 50 илјади патници.
Yep #dayinoffice #n1info #ryanairstrike #AirportRijeka #Krk #Croatia
Stockholm flight cancelled.
London flight not cancelled. pic.twitter.com/ROzaHk3ux4— Ivan Skorin (@IvanSkorin) August 10, 2018
