Европските земји ќе останат обединети во решителноста да се придржуваат кон Договорот за иранската нуклерана програма од 2015 година, и покрај одлуката на Вашингтон да се повлече од него. Ова го изјави германскиот министер за надворешни работи Хајко Мас во Вашингтон.
Мас рече дека ја разјаснил германската и европската позиција во отворен и конструктивен разговор со претседателскиот советник за национална безбедност Џон Болтон и нагласил дека е важно да се избегне обновување на нуклеарната активност на Иран.
– Европа е многу, многу обединета во ставот за нуклеарниот договор со Иран и тоа нема да се промени, вели Мас.
