Долговите што ги имаат граѓаните на САД, во четвртото тромесечје од 2019 година пораснале за 193 милијарди долари (1.4 отсто повеќе од 2018 година) до вкупна сума од 14.150 милијарди долари (14,15 трилиони), покажуваат материјали објавени од Федералната банка на Њујорк.
Оваа сума е за 1,500 милијарди долари повеќе отколку во третото тримесечје 2008 година за време на финансиската криза. Од документите се гледа дека долговите на американските граѓани растат веќе 22 тримесечја по ред.
Најголем дел од вкупната сума, или 9,560 милијарди, се долгови за хипотека, кои во споредба со четвртото тромесечја на 2018 година пораснале за 433 милијарди. По неа следува задолженоста за високо образованиe (студентски кредити) која е во висина од 1,510 милијарди, притоа повеќе од 100 милијарди долари од оваа сума ја должат луѓе постари од 60 години.
Кредитите за автомобили и кредитни карти пораснала за 57 милијарди долари до 1,330 милијарди и 930 милијарди соодветно.
Како што наведува „Блумберг“ вкупниот обем на долгови на лицата од 18 до 29 годишна возраст пораснал до рекордни 1,040 милијарди долари.
Се дознава дека сумата на неизмирени долгови од кредитни карти непрекинато расте од 2016 година. Според економистите на банката, голем дел од неизмирените долгови на Американците до 30 годишна возраст се долгови од студенстки кредити.
