Соработници на руската опозиција Алексеј Навални го обвинија Кремљ за спречување на неговата медицинска евакуација во Германија и посочија дека неговиот живот е загрозен затоа што сибирската болница во која тој бил хоспитализиран не бил доволно опремен.
Германски авион на службата за итни случаи слета на аеродромот во Омск за да го транспортира Навални, но докторите од локалната болница рекоа дека здравствената состојба на рускиот опозиционер не дозволува евакуација.
Жестокиот критичар на Владимир Путин и неговите приврзаници е во тешка состојба откако во четвртокот наутро пиеше чај, со кој неговите соработници сметаат дека бил отруен.
Докторот надлежен за состојбата на Навални вели дека неговата состојба малку се подобрила во текот на ноќта.
Јулија Навални, неговата сопруга и Кира Јармиш, неговата портпаролка, го нападнале Кремљ, откако докторот што го лекувал во сибирската болница изјави дека преместувањето би ми го загрозило живото на Навални, бидејќи тој сè уште бил во кома и нестабилен.
„Забраната за транспорт на Навални е обид за атентат и сега тоа го прават лекари и подмолни власти кои тоа го определија“, напиша Jармиш на социјалните мрежи.
Таа рече дека лекарите прво се согласиле на неговиот трансфер, но дека се откажале од договорот во последен момент.
„Секако, таа одлука не е нивна, тоа е одлука на Кремљ“, додаде Јармиш.
Кремљ во четвртокот изјави дека медицинските власти итно ќе го разгледаат секое барање за трансфер во европска клиника и дека се отворени во врска со здравствената состојба на Навални.
Спорот се појави кога авион на германската служба за итни случаи слета во Омск, градот каде што беше хоспитализиран Навални, со намера да го пренесе во Германија на лекување, доколку е можно.
Сепак, главниот болнички лекар, Александар Мураковски, рече дека многу правни проблеми мора да бидат решени пред да можат да го предадат Навални на европските лекари. Тој додаде дека има пет можни дијагностици и дека тестовите ќе бидат завршени во наредните два дена.
Мураковски одби да одговори на прашањето дали Навални е отруен.
Тимот на руската опозиција цитираше полициски службеник, кој рече дека во неговото тело е идентификувана многу опасна супстанција што претставува ризик за сите околу него и затоа мора да бидат во заштитни костими.
Луѓето на Навални веруваат дека лекарите сакаат што подолго да го одложат неговиот трансфер во Европа, со што секоја трага би исчезнала доколку бил отруен.
