Бил и Мелинда Гејтс објавија годишно писмо на својата веб-страница во кое зборуваат за можните последици од оваа и идните пандемии.
“Кога го објавивме нашето писмо минатата година, светот штотуку започна да сфаќа колку може да биде опасна оваа нова пандемија на коронавирус. Иако нашата компанија веќе долго време е загрижена за можно сценарио за пандемија, сепак бевме шокирани од тоа колку Ковид 19 ги наруши економиите, работните места, образованието и благосостојбата низ целиот свет “, се вели во писмото
Според нив, исто како што Втората светска војна беше одлучувачки настан за генерацијата на наши родители, пандемијата на коронавирусот ќе ја дефинира нашата.
„И како што Втората светска војна доведе до поголема соработка меѓу земјите за заштита на мирот и давање предност на општото добро, сега светот има можност овие тешки лекции што ги научивме за време на пандемијата да ги претвори во поздрава, порамноправна иднина за сите, стои во писмото.
Тие се оптимисти и веруваат дека се приближуваме кон почетокот на крајот на пандемијата.
„Нашата компанија досега инвестираше 1,75 милијарди американски долари во борбата против ковид 19. На пример, ние поддржавме научници кои развија нови лекови за коронавирусна инфекција, вклучително и моноклонални антитела и „Работевме со различни партнери за да осигуриме дека овие лекови се формулирани на начин што е лесен за транспорт и употреба во најсиромашните делови на светот“, напишаа Гејтс.
