Споменикот на Кристофер Колумбо во Ричмонд, во американската држава Вирџинија, беше срушен од демонстранти, запален и на крајот фрлен во езеро во градскиот парк.
Тоа се случило два часа, откако демонстрантите се собрале во градскиот парк и скандирале за рушење на споменикот, пренесува Асошиетед прес.
По уривањето на споменикот на неговото место е поставена табла со напис „Колумбо претставува геноцид“.
На местото на протестите немало полициско присуство, но во реонот бил забележан полициски хеликоптер, кој е во сопственост на градот.
Претходно активисти пред присутните демонстранти во паркот зборувале за тешките борби на индијанците и на афроамериканците во САД.
-Треба да почнеме од самиот почеток, треба да почнеме од луѓето, кои први стапнале на оваа земја – изјавила една активистка.
