Сите патници кои доаѓаат во Јапонија мора да поминат во изолација пред да им стигнат резултатите од тестирањето за корона вирус.
Таквото правило и бројноста на патниците што поминуваат низ аеродромот во Токио предизвикуваат драматични слики.
Сите оние кои се враќаат од странство и кои слетуваат на Меѓународниот аеродром кој се наоѓа на 60 километри до Токио, ставени се во изолација во самиот аеродром, а спијат на импровизирани кревети.
Леглата се одделени со прегради, па се чини како луѓето да лежат во картонски кутии.
