Водечкиот јапонски производител на автомобили „Тојота“ нема да го обнови производството во своите погони во европските земји најмалку до 20 април поради пандемијата на корона вирусот.
Станува збор за погони во Турција, Португалија, Велика Британија, Полска, Чешка и Франција кои не работат од 16 март. Фабриката во Санкт Петербург е затворена за периодот од 28 март до 5 април.
Во моментов, сите фабрики на Тојота во европскиот регион не работат. Минатата година компанијата произведе околу 780.000 возила во Европа, каде што директно или индиректно вработува околу 80.000 луѓе.
Поради корона вирусот, јапонскиот концерн претходно делумно го запре производството во своите погони во Северна Америка и Југоисточна Азија.