Бројот на заболени од новиот корона вирус во светот го надмина психолошкиот праг од 200 илјади случаи и денеска тој изнесува 204.732.
Вирусот досега погоди 170 држаи и територии во светот, при што бројот на смртни случаи се искачи на 8270 жртви.
Европа денеска ја надмина Азија според бројот на смртни случаи. Во европските земји се евидентирани 3.434, додека во Азија таа бројка изнесува 3.384.
Италија е најтешко погодена земја во Европа и втора во светот според бројот на заразени. Во Италија има 31.506 заболени и над 2.500 смртни случаи. Критично е и во Шпанија, со 13.910 заразени и 623 смртни случаи.
На светско ниво, досега се излекувани 82.872 пациенти.
