Европската унија треба да го основа Европскиот фонд за мир вреден 8 милијарди евра за финансирање на воените операции на блокот во странство, се вели во службата за надворешни акции на ЕУ во изјавата објавена во вторникот.
Буџетот, кој главно е наменет за финансирање на операциите во Африка и Средоземното Море, го предложи високиот претставник на Европската унија за надворешни работи и безбедносна политика Џозеп Борел.
– ЕПФ ќе се финансира преку придонеси од страна на земјите-членки на ЕУ, врз основа за распределување на бруто националниот приход. Неговиот предлог плафон е 8 милијарди евра за еден период што се совпаѓа со следната повеќегодишна финансиска рамка (МФФ), се вели во соопштението.
