Ерменскиот премиер Никол Пашињан ја поздрави одлуката на Претставничкиот дом на САД да го признае геноцидот врз Ерменците извршен од Османлиската империја во 1915 година.
– Го поздравувам историското гласање на Конгресот на САД, кој го призна Геноцидот врз Ерменците. Резолуцијата 296 е смел чекор во служба на вистината и историската правда, која ќе им донесе утеха на милионите ерменски потомци – напиша Пашињан на Твитер.
Ерменскиот премиер ги поздрави сонародниците и изрази восхит кон ерменската дијаспора во САД, чија посветеност и упорност биле движечката сила и инспирација за историското гласање.
– Правдата и вистината беа одразени во историската резолуција 296 на Претставничкиот дом. Тоа е почит кон жртвите на геноцидот. Длабока благодарност кон сите кои гласаа за резолуцијата – порача Пашињан.
My heartfelt congratulations to my Armenian compatriots all over the world and admiration to generations of Armenian-Americans, whose selfless activism and perseverance were the driving force and the inspiration behind today’s historic vote. #Neveragain!
— Nikol Pashinyan (@NikolPashinyan) October 29, 2019
Претставничкиот дом на САД синоќа изгласа признавање на геноцидот на народот на Ерменија од страна на Османлиската империја. Прес службата на Претставничкиот дом соопшти дека за одлуката гласале 405 конгресмени, а 11 биле против.
