Претседателот на Турција, Реџеп Таип Ердоган вчера ја обвини сириската Влада дека ја користи преокупираноста на светот со пандемијата со Ковид-19 за да ги интензивира нападите во северозападниот дел од Сирија, што е под контрола на бунтовниците, со што го крши примирјето.
Тој и се закани на Сирија ако продолжи да го крши примирјето во провинцијата Идлиб.
Турција останува посветена на договорот што го постигна со Русија и нема да дозволи агресија од режимот. Ако режимот, кој го крши примирјето и другите услови од договорот, продолжи на овој начин, ќе плати цена и ќе има тешки загуби, посочи Ердоган.
Договорот за прекин на огнот е постигнат на 5 март со посредство на Русија и Турција, кои поддржуваат различни страни во судирот во Сирија.
