Турскиот претседател Реџеп Тајип Ердоган вчера отвори свој канал на платформата Телеграм.
-Турскиот претседател Реџеп Тајип Ердоган е на Телеграм! Ви благодарам што се претплативте на нашиот Телеграм канал. Денеска отвораме и нов канал на новата платформа БИП, напиша синоќа Ердоган на каналот.
Каналот на Ердоган е верификува-ѓн од Телеграм, а заклучно со синоќа тој веќе има повеќе од 128.000 следбеници, наведе Тасс.
Неодамна, многу корисници на социјални мрежи и месинџери го напуштија WhatsApp, поради ажурираните услови за користење, според кои своите податоци мораат да ги споделуваат со Фејсбук.
Одлуката дека на Фејсбук ќе му бидат проследени телефонските броеви, трансакциите и IP-адресите на корисниците на WhatsApp беше критикувана во Турција, при што многумина се префрлија на Телеграм и БИП, месинџер на турската телекомуникациска мрежа Турксел.
Поврзани вести
Во Србија се појавија нови групи со експлицитни снимки – ги споделуваат 12 и 13 годишни деца
На Телеграм постоела балканска верзија на „Јавна Соба“ – 36.000 мажи разменувале порнографија
