Најмалку 36 лица загинаа, а повеќе се повредени во експлозија во северна Сирија, објави новинската агенција АП.
Причината за експлозијата засега е непозната, соопштија опозициските активисти, кои тврдат дека тоа се случило во селото Сармада во близина на турската граница.
Според нивните искази, поради експлозијата се урнале две згради со пет ката, а многу жртви биле затрупани под урнатините.
Од друга страна, Сириската опсерваторија за човекови права со седиште во Лондон изјави дека бројот на жртви изнесува 39, вклучувајќи 20 жени и деца.
Обсерваторијата наведува дека експлодирал склад за оружје во подрум во една од зградите.
