Здравствените власти на Јужна Кореја за првпат објавија дека во земјата се развива вториот бран на епидемијата на корона вирусот.
Бројот на нови случаи во оваа земја е повторно двоцифрен. Корејските центри за контрола и превенција на болести (КЦДЦ ) претходно објавија дека првиот бран на епидемијата на корона вирусот во Јужна Кореја никогаш не завршил.
Директорот на КЦДЦ, Џеонг Еун-кјеонг, изјави дека станало јасно дека празничниот викенд на почетокот на мај означува почеток на нов бран инфекции, кои претежно се појавија во поширокиот дел на Сеул.
