Две лица загинаа, а уште двајца беа сериозно ранети во престрелка во Сиетл. Напаѓачот, кој беше уапсен, пукаше во двајца возачи и автобус, а потоа предизвика сообраќајна несреќа, во обид да избега со украден автомобил, соопшти полицијата.
Инцидентот се случил во средата попладне по локално време во североисточниот дел на Сиетл. Напаѓачот прво пришол кон возилото на раскрсница и пукал во жената зад воланот, а потоа отворил оган врз автобус.
Возачот на автобусот, идентификуван како Ерик Старк (53), бил застрелан, но успеал да го сврти автобусот. Осомничениот му се обратил на друг возач и го убил, објави Ројтерс.
Заменик-шефот на полицијата во Сиетл, Марк Гарт Грин, изјави дека полицијата верува дека напаѓачот дејствувал сам и дека тоа бил „случаен, безумен напад”.
Осомничениот напаѓач беше пренесен во болница во Сиетл заради повреди, но не е во животна опасност.
„Тајмс“ објави дека напаѓачот е 33-годишен жител на Сиетл. Се тврди дека убил 50-годишен човек, а уште еден маж, на возраст од 70 години, загина во несреќата.
Ранети се маж и жена.
