Американскиот претседател Доналд Трамп кажа дека лицата кои илегално влегуваат во САД треба да бидат депортирани „без судии или судски сослушувања“. Доволно е што немаат документи, или што документите им се невалидни или истечени.
Во низата коментари на Твитер, Трамп рече: „Не можеме да дозволиме овие лица да извршат инвазија на нашата држава …“, додавајќи дека „нашиот систем служи како пример за потсмев на имиграциона политика и спроведување на законот и поредокот.“
Трамп тврди дека американскиот закон за имиграција „е предмет на исмевање во светот и не е фер кон сите оние кои законски влегле во системот и чекаат на ред со години“.
