Бројот на жртви од корона вирусот порасна на 259, додека речиси 12 илјади лица се заразени ширум светот.
Новиот вирус ги опустоши градовите во Кина на чии улици скоро и да нема никој, пренесува СиЕнЕн и додава дека во јавниот превоз, како автобусите и подземната железница има значително помалку луѓе, посебно после Лунарната нова година.
Во Хонк Конг продавниците главно се затворени, одложена е работата во училиштата, а на вработените им е речено дека може да работат од дома.
Во страв од вирусот, многу од граѓаните се затворени во своите домови, а забележано е дека во продавниците и аптеките робата е распродадена, како и дека пред нив се формираат редици за купување.
Забележано е и дека граѓаните кои се движат по улиците и ги обавуваат секојдневните активности носат маски.
Претставник на Светската здравствена организација за Кина Гауден Галеа изјави дека патните и трговските забрани се непотребни и истакна дека пред се државите треба да се фокусираат на идентификување на вирусот и одговор на предизвикувањето епидемија, пренесува Ројтерс.
Во градовите ширум Кина продолжуваат посебните мерки, а тим предводен од премиерот Ли Кечијанг најави дека работата ќе ја координираат до локалните власти.
Се наведува и дека неколку важни спортски настани се одложени.
Новиот корона вирус се појави во декември најпрво во кинескиот град Вухан, од каде се прошири и на другите градови во Кина и ширум светот.
