Пред лицето на правдата во најголемото судење од ваков вид во последните децении во Италија денеска ќе бидат изведени стотици наводни членови на најмоќниот италијански мафијашки синдикат.
355 гангстери и корумпирани службеници се обвинети по долгата истрага за мафијашка организација Ндрангета. Се очекува да сведочат над 900 сведоци, со обвиненија од убиство и трговија со дрога до изнуда и перење пари.
Процесот започнува денес и се очекува да трае повеќе од 2 години. Ќе се одржи во специјално модифицирана зграда во Калабрија, во блиндирана сала од 3300 квадратни метри, специјално создадена за таа пригода во магацин кој не се користел долго време.
Во Италија немало судски процес против мафијата од сличен обем од 80-тите години на минатиот век. Во центарот е семејството Манкузо, кое е моќен дел од Ндрангета. Главниот обвинет е член на семејството за кој се верува дека одржувал врски со политичари, масони, јавна администрација и институции.
Главниот обвинител Никола Гратери коментира:
„Пред една деценија, луѓето трепереа кога се споменуваа Коза Ностра или Ндрангета. Денес, за нив се зборува слободно на дневна светлина. Италијанската мафија е се поприсутна во Централна, Источна и Северна Европа, каде продаваат кокаин и перат пари, но во овие земји судскиот систем е слаб и, пред сè, тоа не се очекува, и нема политичка волја да се спротивстави на перење пари “.
На списокот на обвинети е и 40-годишната Бугарка Живка Танева Димитрова. Ќе се докажува дека мафијата преку нејзината кафеана перела пари, Станува збор за кафеаната „Сублима“. Во истрагата беа споменати и други Бугари, но тие не се меѓу обвинетите.
