Во изминатите 24 часа бројот на заразени со корона вирус во Норвешка се зголемил за 56 случаи со што вкупниот број на заразени сега изнесува 7.903.
Во последните две недели порастот на нови болни е стабилен, односно има по стотина лица на ден или помалку.
Како што соопштија локалните здравствени власти, во Норвешка од Ковид-19 досега починале вкупно 214 луѓе, а на болничко лекување се 82 лица.
Владата во Осло месецов почна да ги олеснува ограничувањата воведени поради пандемијата. Отворени се детските градинки, со настава почнаа и учениците од пониските одделенија, а отворени се и фризерските салони и други видови бизниси во кои има лични контакти. Укината е и забраната за патување во викендички вон градовите.
