Белгиските здравствени власти информираа дека е надминат прагот од шест илјади починати од Ковид-19.
Последните информации од дневниот брифинг на кризниот штаб за корона вирусот на белгиските здравствени власти велат дека во последните 24 часа се потврдени нови 933 случаи на заболени, хоспитализирани се нови 263 пациенти во болниците низ земјата, а починати се 266 лица.
Со тоа, вкупниот број починати од почетокот на пандемијата во Белгија изнесува 6.262. Нешто помалку од педесет отсто од починатите се во старечките домови.
Министерството за здравство, сепак, смета дека пикот на смртност е надминат на 12 април.
Бројките се охрабрувачки, не треба да брзаме, треба да продолжиме да ги почитуваме мерките до трети мај, нашето однесување денес ја одредува нашата иднина. Колективните напори вродија со плод, но овој вирус е жилав и мораме да останеме мотивирани – изјави портпаролот на штабот, Беноа Рамакер.
