Сенаторот Берни Сандерс официјало даде поддршка на кандидатурата на неговиот соперник во трката за претседателска номинација, поранешниот потпретседател Џо Бајден.
Чекорот е насочен кон обединување на демократите во пресрет на изборите во ноември.
Сандерс ја прекина својата изборна кампања пред само пет дена и сега се појави заедно со Бајден и посочи дека корона вирусот е причина за обединувањето.
Се предвидува дека Бајден ќе добие ветер в грб со поддршката од Сандерс и тоа во момент кога се чинеше дека кампањата е во втор план поради пандемијата.
На вас лежи огромна одговорност. Сите заедно треба да сториме се, Трамп да остане со еден мандат – изјави Сандерс, укажувајќи дека земјата се наоѓа во досега незабележана здравствена и економска криза.
Уште пред изјавата на Сандерс, кампањата на Бајден почна со повици до неговите поддржувачи во обид да се зближат ставовите на прогресивните и умерени струи во Демократската партија.
Се претпоставува дека прогресивните следбеници на Сандерс, чие движење во САД е предводено од младите генерации и не треба да се потценува, масовно ќе гласаат за Бајден, бидејќи тој вети да реализира некои од социјалдемократските политики што неговиот досегашен соперник ги промовираше во својата кампања.
