Белорусија ги прогласи двајца странски државјани обвинети дека се шпиони за персона нон грата, изјави денес шефот на службата за државна безбедност КГБ.
„Оваа недела, две лица, ги прогласивме за персона нон грата“, изјави Валери Вакулчик, без да даде дополнителни детали, пренесе Спутник.
Тој, исто така, рече дека украинскиот државјанин Павел Шаројко, претходно осуден во републиката за шпионажа, може да биде помилуван.
„Прашањето за помилување на Шаројко се разгледува“, рече шефот, додавајќи дека комисијата за помилување ќе одлучи за судбината на украинскиот државјанин.
Апсењето на Шаројко од страна на белоруските власти излезе на виделина на 20 ноември 2017 година. Според комитетот, разузнавачките информации биле координирани од Игор Сквортсов, офицер во разузнавачкиот оддел на Министерството за одбрана на Украина, кој дејствувал како советник на украинската амбасада во Минск. Сквортсов е протеран од Белорусија за активности што не се во согласност со дипломатскиот статус. Украина, водена од принципот на реципроцитет, протера белоруски дипломат од земјата.
На 19 февруари 2018 година, Врховниот суд на Белорусија го осуди Шаројко на осум години затвор за шпионажа.
