Со почеток во месец март, Белорусија ќе започне со производство на руската вакцина против коронавирус Спутник V. Месечниот обем на производство ќе достигне околу 500.000 дози. Ова беше изјавено денеска на состанокот на Министерството за здравство од страна на министерот за здравство, Дмитриј Пиневич .
– Планираме да започнеме со производство на Спутник V, користејќи ги капацитетите на нашата фармацевтска индустрија. Планираме да произведуваме 500.000 дози месечно, истакна Пиневич, пренесе ТАСС.
Според него, Белорусија сега поминува низ вториот бран на пандемијата со тренд на опаѓање на стапката на инфекција во сите региони.
– Најверојатно, третата фаза од зголемувањето ќе биде помалку интензивна, многу ќе зависи од увозот на нови варијанти и обемот на вакцинација, нагласи Пиневич.
Тој додаде дека во моментов има околу 25.000 вакцинирани во земјата и дека први вакцинирани се здравствените работници.
