Неславниот убиец на деца, кој ги киднапирал, силувал и убивал девојките во Белгија во 1990-тите години, ги разлути семејствата на жртвите, со тоа што во писмо до нив се понудил да им одговори на нивните прашања.
Марк Дутро беше затворен во 1996 година и со години бара ослободување од затвор. Сега неговиот адвокат на шест семејства, им напишал писмо, во обид да им помогне да ги излечат нивните рани, на многу скромен начин.
Неколку семејства го нарекоа неговиот пристап – циничен чекор, насочен кон обезбедување условна казна.
Шеесет и едно годишниот Дутро беше искусен криминалец кога тој и неговата сопруга Мишел Мартин биле уапсени за киднапирање и силување во 1986 година. Притворен во 1989 година, тој беше ослободен на условна казна по само три години.
Во 1995 и 1996 година тој киднапирал шест девојки, убил двајца тинејџери и две осумгодишни деца, кои починале од глад во неговиот подрум. Според информациите, две девојчиња на возраст од 12 и 14 години успеале да преживеат.
Една од жртвите која преживеала, пред судот го праша: “Зошто не ме уби?”
Дутро пред судот рекол дека бил дел од мрежа на педофили, во која биле вклучени добро поврзани личности, а полициската неспособност во неговиот случај довела до широко распространети обвинувања за прикривање.
Кога во 1998 година Дутро грабна пиштол на полицаец и накратко избега од судот, двајца владини министри поднесоа оставки. Неговата поранешна жена беше ослободена од затвор во 2012 година.
