Белата куќа денеска ја обвини Владата на претседателот Николас Мадуро за вмешаност во сомнителната смрт на опозицискиот политичар Фернандо Албан, за кого венецуелските власти тврдат дека извршил убиство.
– САД ја осудуваат вмешаноста на режимот на Мадуро во смртта на венецуелскиот опозиционер Фернандо Албан, се посочува во соопштението на Белата куќа.
Во соопштението се додава дека администрацијата на американскиот претседател Доналд Трамш ќе продолжи да го зголемува притисокот врз режимот на Мадуро и неговите соработници се додека не се обнови демократијата во Венецуела.
Албан настрада додека беше во притвор на разузнавачката служба на Венецуела.
САД апелираат Каракас да покрене независна истрага со цел да се разјаснат „спротиставените верзии“ за тоа како настрадал Албан.
Властите во Каракас соопштија дека локален политичар извршил самоубиство скокајќи од прозорец на зградата на разузнавачката служба, каде беше во притвор под обвинение дека планирал атентат врз Мадиро.
Опозициската партија Прва правда тврди дека тој е убиен.
Албан (56) беше уапсен во петокот на меѓународниот аеродром во Каракас по враќањето од Њујорк, каде присуствуваше на состаноци за време на Генералното собрание на Обединети нации, заедно со неколку членови на Прва правда.
